中秋行山

中秋又到,想起舊年,我地登上了獅子山,而今年目的地為鳳凰山(Lantau peak)934米.
由零晨0點東涌地鐵步行出發,經亦東屯,然後上公路向大嶼山直上,步行公路大約1小時,一直上斜,行到腳軟.
然後上鳳凰山,全程幾乎樓梯,爬到腳抬唔起,休息完再行,晚上2點半左右到達山頂,發覺已經很多人在那裡.找了塊石坐下,好大風,凍到震!

由於要等到6點才有日出,所以無聊時玩”無影手”…在山上凍到震,有風樓都係凍,之後煮奶茶飲後才舒服好多,發覺自己煮好似仲好飲.

東涌夜景,發覺都樓比較少,環境好寬敞,十分適合居住,不過,由圖片可以見到好大煙幕.

晨早,發覺人真的很多,不過由於雲層好厚,太陽升起時的彩霞十分不清,直至太陽升起才見到紅雞蛋太陽,似朝陽,也似夕陽

日出效果比較差,有點掃興,不過總算見到.然後急急落山,見到大嶼山的清晨美景

落到山下,順便去下寶蓮寺,平時去總是人山人海,早上可以說人極罕見,天色都不錯.
然後繼續行落山,由寶蓮寺行落山,大約一個多小時,全程見到昂坪纜車景色,所以纜車坐不坐都差不多,去到地鐵已經9點10分,發覺原來坐車落山的人同我地行落山的時間差不多,就這樣我地省了$25,回到家已經10點
總共步行了6個多小時,坐在地鐵上,只腳不想移動,合眼即入睡.
整晚經歷都不錯,雖然比較辛苦,但疲倦後十分精神.
相簿:http://www.mincel.com/gallery/member_photos/rockfu/