今天6點9就去自修室,但去到後,人很多,累!7點開門,才霸了3個位,開始call人不要來,但,打了幾個電話,沒有一個人回覆,等了十幾分鐘,becky回覆了,沒位只有叫她不要來了.但是,等了一個多小時,還是沒人來,好累!看生物,不過看來看去都不知道有什麼好看,知覺得生物好無聊,唉!對生物無希望!
今日cathy又偷懶冇黎,雖然話補習,但唔多唔少都有偷懶拉!慧,滔,青做MC,跟住比慧話佢出貓,滔好大聲甘講我冇出貓,全場都望住我地,我笑到死^0^.個個成績都不錯,明天我溫習數學,希望自己也能 測得好點,睡了,希望明天早點起來努力!加油!
生日就快到了……….
煩了我多時的牙,今天終於了結.今日去溫書,感覺上牙有少少想痛的感覺,避免夜長夢多,立即去補牙!上網找資料,發覺全部都是醫生資料,一間店鋪介紹都沒有.打電話去醫院,等了10分鐘,最後回覆是–只提供拔牙服務!唉!都係親自出馬,本來想去長沙灣,一出門口,見到樓下間牙診所,於是進入看看,問下價200幾,打電話給爸,他說自己看著辦,所以選擇了!拿了錢就去.
大陸和香港的牙醫有好大分別,大陸設施好簡單,整天都要你吐口水,香港我只吐了2次,是洗口,而且沒有什麼痛楚,記得以前在大陸補,痛到我叫救命,最後選擇打針,這次醫生問我打不打,我還是不打了.打了後,會失去感覺.感覺不爽.睡在牙床上,我只見到醫生,和好多工具在我口前出出入入,但不知道有何用,只知道幾個簡單的,其他都不知什麼祕密武器,一完成就即刻叫我出去等,真係…..整完個牙,花了30分鐘,快到連啊爸都唔信(都唔知好唔好!),不過算拉,我估都頂得幾耐下.自己要多注意清潔,不過我天天都刷兩次牙,但都照常蛀牙,真是奇怪.大陸個醫生說我牙質好差!以後有機會要參加口腔保健!
呼呼~~~全校大旅行拉`~!放假拉~~!
今日本黎應該好開心ga~~不過我人唔係幾舒服lor~!但係又唔想缺席,唔想同學失望!
去到大尾篤,無敵大海景~~不過個天唔係幾藍,雲霧都幾多下.好快就起爐拉!joe起爐~!
我地起兩個,好快就燒得好旺,甲班有同學請我去幫手起~(個男仔廢~~),冇火機,報紙燒,碳精少,
燒著碳精我就走人~!
返到去,d人開始打邊爐拉!我過去乙班邀請miss 孫過黎!費事要佢老人家燒碳拉!佢聽後好開心阿!過左黎吃左好多野!我同阿joe開啤酒拉,燒雞翼,我唔可以吃,好熱氣,所以好多都燒比人吃,自己吃左幾只,肚餓吃麵包.狂燒比人吃拉!燒d速度好快,好多老師都過黎吃拉,因為我地買左好多野,20幾個人吃都吃唔晒.最後剩低d雞翼,我全部燒起黎,d人玩完返黎就全部吃晒拉!
跟住我自己一個人去行拉~!去碼頭影相,然後再上山頂,座山太低拉,10分鐘都唔駛就行左上去=.=,山頂冇乜好睇,跟住就落山!落山返到去,白sir就問有冇人識急救!原來bonbon爬山傷左!!!仲見骨!!同楊同學兩人傷痕累累返到黎,立即洗傷口!不過bonbon好似冇乜事甘!我地狂笑!辦記者採訪^.^
跟住集體影相拉~!影左好多搞笑相!哈哈!跟住就返去lu~~
好辛苦阿!係車度訓!返度屋企沖完涼,吃左藥,再訓!
琴日玩到好夜!今日起身,收拾亂了很久的房間,還有就是要清潔一下部電腦!都一年了.
拆開後,嚇了我一大跳,裡面的情況不堪設想,拿了條布狂抹,假如有部小型的吸塵機,或許會容易清理很多.我把硬件逐件拆開,連cpu也拆了,因為散熱器都有很多塵,拆了以後,發現散熱劑乾了,連cpu的intel的標誌也沒了~~~天`~跑出去黃金買了散熱劑,呼呼~~電腦節~~可惜我沒錢買.買了後,塗上cpu,然後照相!哈哈~~全部都照了~~清理後好看多了~!相信一定會快很多多!清理完畢~!吃東西!肚好餓!部電腦真的快了~而且靜了~!又回到青春時代~~!^.^
今日中午同tony去灣仔買相機,行左好耐,終於買左,2250,casio-z40,冇黑色,銀色好花,所以選左一部香檳色.買玩~去M記休息下,裝卡~跟住就去金紫菳廣場測相機~~.風好大~海風好舒服,失望的是,能見度很低.拍完,就坐船到尖嘴拍,撞見tin仔,哈哈~~D70,我都試左一下~~快門聲好正!一分錢一分貨!
跟住去星光大道,開了那麼久,我還是第一次去!沒什麼特別!跟著拍日落,雙腿好累,返屋企!部相機幾好,過得去,不過個銀包就過唔去拉!
測試相片
中五第一次行山~~幾舒服,好輕鬆,天氣也非常好,不過由於我沒穿長褲,腳很傷,不過還是很開心,因為大自然太美了.一切煩惱都滾到一邊去^.^
拍了一些照片